Textbook-te hian zirna leh zirtirnaah ‘change’ nasa tak a keng tel a. A hmasa berah chuan ‘a tak taka tih ngeia zir’ (Learning by doing) a ni. Zirlaibua zir turte hi hetianga kal pui theih tura duan an ni. Subject pakhatah zir tur bituk chi hrang hrang a inhlawm khawm a. Main subject – English, Mizo, Mathematics leh Environmental Science (EVS)-te a awm a. Heng subject matter chi hrang hrang zirtirna bakah hian naupangten Main Subject hmang tho hian Spelling & Dictation, Conversation/ Speaking, Handwriting, Reading, Art, General Knowledge-te hi an zir tur ani. Textbook ami chauh hi zir tur ani lo va. Textbook-a an zir kaihhnawih textbook pawn lama mite nen zir zawm thiam tur a ni. Naupangten an zirlai hrethiam si lo va by-heart tlut tlut ang chi kha zirlaibu kal phung hi a ni lo a ni.